Cavite – Nakiisa ang mga miyembro ng Aktibong Nanay ng Imus (ANI) sa isinagawang Feeding Program sa mga kabataan ng Cayetano Topacio Elementary School, Barangay Poblacion 4, Imus City, Cavite nito lamang ika-10 ng Hunyo 2023.
Ang naturang aktibidad ay pinangunahan ni Ms. Malou Prospero, Founder, ANI katuwang sina Hon. John Orly Caimol, Punong Barangay; Mr. Justin Policarpio, may-ari ng Hebrew Eleven Cafe at mga nanay ng mga kabataan ng nabanggit na paaralan.
Laking tuwa at pasasalamat ng mahigit 60 na bata maging ang kanilang magulang sa inihandog na burger steak with eggs, biscuits at chocolate drinks ng mga grupo.
Layunin nitong pagtulungan ng bawat isa ang maghatid ng serbisyong publiko lalo na sa pagsulong sa nutrisyon ng mga bata.
