Mabinay, Negros Oriental – Isang miyembro ng Communist Terrorist Group (CTG) sa Negros Oriental ang kusang sumuko sa mga miyembro ng Regional Mobile Force Battalion (RMFB) 7 noong ika-26 ng Nobyembre 2022.
Kinilala ni Police Lieutenant Colonel Ronan R Claravall, Force Commander, ang sumuko na si “Pucca” na umano’y CTG Squad Leader at Finance/Logistics Officer ng CN2 Samahang Yunit Pampropaganda (SYP) Platoon 2 at Mount Cansermon Command (MCC).
Kasabay ng pagsuko nito ay ang pagbibigay nito ng isang unit ng long firearm (Winchester Bolt-Action Sniping Rifle, caliber.270) at 30 live ammunition.
Ayon sa sumukong si “PUCCA”, ang mamuhay ng ligtas at magkaroon ng normal na buhay kasama ang pamilya ang nag-udyok dito upang sumuko.
“Sawa na akong magtago at mamuhay ng puno ng puot at takot. Ang gusto ko lang ngayon ay mamuhay ng ligtas at komportable kasama ang pamilya ko,” saad nito.
Ang naganap na pagsuko at matiwasay na pagsasagawa nito ay resulta at bahagi ng maayos at epektibong pagpapatupad ng mga hakbangin ng RMFB 7 upang lutasin at tuldukan ang problema sa insurhensiya sa rehiyon.
