Idinaos ng Agusan del Sur Cops ang Pamaskong Handog para sa Kabataan 2020 katuwang ang DAMCO Wood Industry na ginanap sa Camp Democrito O. Plaza, Patin-ay, Prosperidad, Agusan del Sur nito lamang Disyembre 17, 2024.
Pinangunahan ni Police Colonel Yahya Bustamante Yusup, Provincial Director ng Agusan del Sur Police Provincial Office, kasama sina Police Lieutenant Colonel Bonifacio C. Estrella, Jr., at Police Lieutenant Colonel Jude Cres G. Milan ang naturang aktibidad.
Nagbigay ng kasiyahan sa 300 kabataan na kinabibilangan ng mga anak ng PNP personnel, mga mag-aaral mula sa Dumatrisfa Elementary School, at iba pang kabataan sa kalapit na lugar.
Tampok sa programa ang mga palarong pambata, pamamahagi ng mga DAMCO Bags, laruan, at Jollibee meal pack katuwang ng KKDAT Provincial Council sa pamumuno ni Ms. Vanessa Marie Yaoyao.
Nagbigay din ng sorbetes ang 1st Agusan del Sur Provincial Mobile Force Company sa pangunguna ni Police Lieutenant Colonel Nathaniel P. Agatep at 2nd Agusan del Sur PMFC sa pangunguna ni Police Lieutenant Colonel Sonny Rey Comafay.
Bukod dito, nagbigay ng raffle items ang AFPMBAI Butuan Branch sa pangunguna ni Ms. Cindy P. Felias.
Nagpasaya rin ng programa ang awitin mula sa grupo ni Tatay Johnny at Agusan del Sur PNP personnel, kasabay ng masiglang dance presentation ng Jollibee mascot.
“Ngayong Holiday Season, dapat tayong magpasalamat at maging masaya sa panahong ito. Ang kapulisan ng AgSur ay lubos na nagagalak sapagkat kami po ay naniniwala na ang Pasko ay para sa mga Kabataan. Naway ang espirito ng pasko ay maghahatid ng galak at saya sa ating mga puso,” ani PCol Yusup.
Panulat ni Patrolwoman Karen Mallillin
