Nagsagawa ng Tree Planting Activity ang mga miyembro ng RPCADU 5 bilang pakikiisa sa programang “Adopt a Mountain Program” ng gobyerno na ginanap sa Barangay Lidong, Sto. Domingo, Albay nito lamang ika-19 ng Marso 2024.
Ang aktibidad ay pinangunahan ni Police Lieutenant Colonel Brenda O Garcia, Officer-In-Charge ng RPCADU 5, katuwang ang mga tauhan ng RCADD 5, RCSU 5, RMDU 5, RMFB 5, RHPU 5, PDEG 5, RFU5, Sto. Domingo MPS, KAAKIBAT CIVICOM, Mighty Red Dragon International guardians Brotherhood, Inc., at Ako Bikol News TV.
Sa pakikipag-ugnayan sa Albay Provincial Environment and Natural Resources Office (PENRO) at Mount Mayon Natural Park-Protected Area Management Board [MMNP-PAMB] ay nabigyan ang RPCADU5 ng limang ektaryang lupa para pagtaniman o isagawa ang mga Tree Planting activities.
Ang nasabing kasunduan ay nakapaloob sa MMNP-PAMB Resolution No. 2 Series of 2024, noong ika-24 ng Pebrero 2024. Ang nasabing aktibidad ay bahagi ng “International Women’s Month Celebration”.
Nakapagtanim ang mga grupong kalahok ng mahigit 400 na Sambulawan Trees sa nabanggit na lugar.
Nakatakda namang magsagawa ng Memorandum of Agreement ang RPCADU5 at Barangay Officials ng Barangay Lidong, Sto. Domingo, Albay para sa pangangalaga ng mga naitanim na punongkahoy.
Ang PNP ay patuloy na magsasagawa ng mga ganitong aktibidad katuwang ang iba’t ibang ahensya ng gobyerno at iba pang sektor ng lipunan upang hikayatin ang mamamayan na pangalagaan ang kalikasan para sa mga susunod na henerasyon.
Panulat ni Pat Sharen A Job
