Higit na pinaigting ng Abra Police Provincial Office sa ilalim ng pamumuno ni PCol Christopher Acop, Provincial Director ang kanilang kampanya kontra krimen at terorismo kung saan noong Nobyembre 19, 2021, tatlong (3) magkakasunod na kampanya kontra krimen at terorismo ang kanilang napagtagumpayan.
Sa Lacub, Abra kusang sumuko sa mga awtoridad ang tatlong miyembro ng NPA sa Barrio (Non-PSRTG) mula Brgy. Buneg, Lacub, Abra. Ito ay sa pamamagitan ng patuloy na pagsasagawa ng mga kapulisan ng programang “Dumanon Makitungtong”.
Kaalinsabay nito, labing apat (14) naman na loose firearms at pampasabog ang isinuko sa mismong himpilan ng Abra PPO. Ito ay sa pamamagitan naman ng aktibong pakikipag-ugnayan at kooperasyon ng mga mamamayan ng Abra sa mga kapulisan.
Samantala, sa munisipalidad naman ng Bangued, arestado ang dalawang (2) wanted persons sa paglabag sa RA 7610 sa isinagawang magkahiwalay na operasyon ng pinagsamang operatiba ng mga kapulisan ng Abra sa pangunguna ng Bangued Municipal Police Station.
Ang isinagawang mga operasyon ay bilang pagtalima sa atas ng ika-27 Hepe ng Pambansang Pulisya, PGen Dionardo Carlos na mas lalong paigtingin ang kampanya kontra kriminalidad at terorismo para matiyak ang seguridad sa nalalapit na eleksiyon. ####
Panulat ni: Police Corporal Melody L Pineda
