Nagbigay ng seguridad ang mga tauhan ng Tubay Municipal Police Station sa isinagawang Fluvial Parade ng St. Ann at Sr. Joaquin kaugnay sa pagdiriwang ng Fiesta ng Bayan ng Tubay na ginanap sa Baywalk, Barangay Poblacion 1, Tubay, Agusan del Norte bandang 6:00 ng umaga nito lamang Hulyo 27, 2024.
Ang nasabing aktibidad ay aktibong pinangunahan ng mga tauhan ng Tubay MPS sa pangunguna ni Police Executive Master Sergeant Vicente C Maldo Jr., Team leader sa ilalim ng pangangasiwa ni Police Lieutenant Ericson C Paguirigan, Officer-In-Charge na nagbigay ng seguridad sa nasabing kaganapan.
Ang “Abayan Festival” ay ipinagdiriwang bilang parangal kay St. Anne at Sr. Joaquin kung saan itinatampok ang Baroto Races at mga katutubong libangan para sa mga kalalakihan, kababaihan at kabataan sa pamamagitan ng Fluvial Parade na nilahukan ng limang bangka na nilagyan ng dekorasyon at palamuti.
Ang matagumpay na pagbabantay ng Tubay PNP sa seguridad ng mga lumahok sa nasabing kapistahan ay isang magandang halimbawa ng maayos na pagpaplano at koordinasyon ng mga kinauukulan na nagpapakita ng kanilang dedikasyon sa pagprotekta sa publiko at pagiging handa sa mga espesyal na okasyon tungo sa isang ligtas na Bagong Pilipinas.
Panulat ni Patrolwoman Karen Mallillin
