Daraga, Albay – Nagsagawa ng aktibidad na “A CUP from a COP” ang mga personahe ng Aviation Security Unit 5 Headquarters at Bicol International Airport Police Station sa Barangay Bañag, Barangay Ilawod at Market Site Daraga, Albay nito lamang Huwebes, Diyembre 29, 2022.
Ang naturang aktibidad ay may temang A CUP from a COP “Caring Unifies People, Community is Our Priority” na pinangunahan ni Police Lieutenant Colonel Marianne Fernandez, Assistant Chief, Aviation Security Unit 5 sa ilalim ng pamumuno ni Police Lieutenant Colonel Joanna M Zarcilla, Officer-in-Charge.
Maagang nakapagbigay ng saya ang ating kapulisan sa mga tao ng nabanggit na lugar. Naghandog sila ng isang tasa ng Goto na may itlog sa 150 katao na maagang pumasok sa kanilang trabaho.
Ang aktibidad na ito ay kaugnay sa Chief PNP’s Peace and Security Framework na MKK=K o ang Malasakit, Kaayusan, Kapayapaan tungo sa Kaunlaran na naglalayong makapagbigay ng saya at tulong sa ating kababayan na nagtatrabaho para sa kanilang pamilya.
Source: AVSEU5
