Iloilo Police Provincial Office, Iloilo City – Deretsahang sinagot ni Police Colonel Adrian Acollador, Acting Provincial Director ng Iloilo Police Provincial Office, ang isyu tungkol sa vote-buying sa ilang bahagi sa probinsiya ng Iloilo.
Ayon sa kanya ang pinakamabisang solusyon upang mahadlangan ang vote-buying ay ang pagreport nito sa mga otoridad, hindi lang ipost sa social media.
Bagama’t nakakatulong ang pagpost sa social media ng mga insidente na gaya ng vote-buying at iba pang election frauds, mas mabisa na ireport ito sa police station, bilang legal na pamamaraan laban sa mga gumagawa nito.
“Report them, not just post on social media because we need to take appropriate action, that is, legal action against those who commit election fraud,” pahayag ni PCol Acollador.
“It is not enough that you report. Execute an affidavit, present evidence if you can so that we could give lessons to anyone who engages in any type of election fraud,” dagdag pa niya.
Batay sa Section 261 (a) of PD 881, o ang Omnibus Election Code, lahat ng mga reklamo laban sa gumagawa ng vote-buying o sa mga katulad nito ay kailangang iverify kasama ang mga ebidensya nito. Kapag napatunayan gamit ang mga ebidensyang inilatag, ihahain ito sa Law Department ng Komisyon, o sa opisina ng Election Registrar.
Pinaalalahanan din niya ang publiko, lalo na ang mga registered voters na hindi lang vote-buying ang tinuturing na election offense, pati na rin ang vote selling, batay sa Section 60 of Comelec Resolution 10727. Dagdag pa niya na hindi magkakaroon ng vote-buying kung walang magbebenta ng kanilang mga boto.
Samantala, inutusan naman ni PCol Acollador ang lahat ng Chief of Police at Force Commanders sa buong probinsya na paigtingin ang pagsasagawa ng random checkpoints sa kani-kanilang areas of responsibility upang maiwasan ang kahit anumang uri ng election fraud.
###
