Ipinagdiwang ng Police Regional Office 2, sa pamumuno ni PBGen Steve B. Ludan, ang ika-120th Police Service Anniversary na may temang, “Hangad na Kalinisan sa Kapulisan, Kapaligiran at Komunidad; Ibayong Gampanan para sa Pangkapulisang Integridad” sa Camp Marcelo A Adduru, Tuguegarao City, Cagayan noong ika- 18 ng Oktubre, 2021.
Ginawaran ang mga Uniformed at Non-uniformed Personnel na nagpakita ng kani-kanilang galing at dedikasyon sa pagseserbisyo, gayundin ang mga yunit na nagpamalas ng mga natatanging gawa sa larangan ng pagseserbisyo sa bayan.
Binigyang-pagkilala rin ang iba’t ibang stakeholders ng Police Regional Office 2 dahil sa kanilang patuloy na pagsuporta sa lahat ng mga programa at proyekto ng mga kapulisan sa Rehiyon.
Panauhing pandangal sa naturang aktibidad si Atty. Odilon L. Pasaraba, CESO III, ang Assistance Secretary Special Concerns-Local Government Sector ng Department of Interior and Local Government.
Sa mensahe ni Atty. Pasaraba, pinuri niya ang mga sakripisyo at pagseserbisyo ng Valley Cops sa pamumuno ni RD Ludan. Tinawag niyang Silent Steward ang mga ito dahil sila ay nagtatrabaho ng walang hinihintay na kapalit na papuri at pagkilala.
“Do not get distracted and continue doing good, doing right. The Department of Interior and Local Government will always support the PNP in the pursuit of peace and order in the country,” ani Atty Pasaraba.
Inilahad man ni Atty. Pasaraba ang kanyang mensahe virtually, tumatak naman ito sa puso at isipan ng mga Valley Cops, upang magpatuloy sa pagseserbisyo sa taumbayan.
Kinararangal ng bawat Pilipino ang mga pulis na magiting at tapat sa kanilang sinumpaang tungkulin na maglingkod sa bayan at sa mamamayan.
Source: RPIO 2
#####
Article by Police Corporal Carla Mae P Canapi
