Davao del Sur – Tinatayang Php225,000 halaga ng hinihinalang shabu ang nakumpiska sa tatlong High Value Individual sa buy-bust operation ng PNP, nito lamang Mayo 5, 2022.
Kinilala ni PLtCol Mark Kim Aquino, Chief, PIU, ang mga suspek na sina Zarex Malasogue alyas “Rex”, 41, residente ng Amlo Subd. Zone III, Sta. Cruz; Ronilo Diamante alyas “RR”, 36, residente ng Cebuley Beach, Brgy. Zone III, Sta. Cruz at Eliser Gabaton alyas “JunJun”, 39, residente ng Amlo Subd. Brgy. Zone III, Sta. Cruz, Davao del Sur, na lahat ay mga High Value Individual.
Ayon kay PLtCol Aquino, naaresto ang mga suspek sa Purok Kapayapaan, Amlo Subd. Brgy. Zone lll, Sta. Cruz, Davao del Sur sa pangunguna ng Provincial Drug Enforcement Unit katuwang ang PDEA DDS at Sta. Cruz Municipal Police Station matapos mahuli sa akto na nagbebenta ng ilegal na droga.
Dagdag pa ni PLtCol Aquino, nakuha mula sa mga suspek ang humigit kumulang 15 gramo ng hinihinalang shabu na may tinatayang halaga na Php225,000 street market value at marked money na ginamit sa operasyon.
Ang mga suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Hindi titigil ang Police Regional Office 11 sa kanilang kampanya laban sa ilegal na droga sa Rehiyon Onse upang maging drug free ito sa pamumuno ni PBGen Benjamin Silo Jr., Regional Director.
Panulat ni Patrolman Alfred Vergara
