Occidental Mindoro – Arestado ang isang lalaki sa isinagawang Anti-illegal logging operation ng Occidental Mindoro PNP kasama ang Department of Environment and Natural Resources (DENR) Centro San Jose sa Brgy, Iriron, Calintaan, Occidental Mindoro noong Mayo 4, 2022.
Kinilala ni PCol Simeon Gane Jr. Provincial Director ng Occidental Mindoro Police Provincial Office ang suspek na si Jonathan Ulay Barber, 42, residente ng nasabing barangay.
Ayon kay PCol Gane Jr., nasamsam mula sa suspek ang mga pinutol na kahoy ng Gmelina specie na may kabuuang volume na 96.66 board feet at tinatayang may market value na Php4,833.
Dinala ang naarestong suspek sa Calintaan MPS kasama ang mga nakuhang ebidensya para sa dokumentasyon at tamang disposisyon.
Source- Occidental Mindoro Police Provincial Office
Panulat ni Patrolman Joebet Balana
