Marantao, Lanao del Sur – Tinatayang Php340,000 halaga ng shabu ang nakumpiska sa isang suspek sa PNP-PDEA buy-bust operation sa Brgy. Mantapoli, Marantao, Lanao Del Sur nito lamang Mayo 5, 2022.
Kinilala ni Police Major Bobby Mario Egera, Chief of Police ng Marantao Municipal Police Station, ang suspek na si Solaiman Saadoden Tocalo Hadji, alyas “Tocs/Manso”, residente ng Raya Tugaya, Lanao Del Sur.
Ayon kay PMaj Egera, naaresto si Tocalo ng pinagsanib na puwersa ng Philippine Drug Enforcement Agency at Marantao Municipal Police Station.
Ayon pa kay PMaj Egera, nakumpiska mula sa suspek ang tinatayang 50 grams ng methamphetamine hydrochloride o shabu na nagkakahalaga ng Php340,000; isang pirasong genuine Php1,000 na may Serial no. na 454168 na ginamit bilang buy-bust money; isang pirasong black leather wallet na naglalaman ng sari-saring IDs; at isang unit black keypad analog Samsung cellphone.
Nasa kustodiya na ngayon ng PDEA Lanao del Sur ang naarestong suspek at mga nakumpiskang ebidensiya para sa disposisyon at pagsasampa ng kaukulang kaso.
Samantala, pinuri ni Police Brigadier General Arthur Cabalona, Regional Director, Police Regional Office Bangsamoro Autonomous Region, ang pagsisikap ng mga operatiba at muling iginiit na determinado ang PRO BAR na wakasan ang banta ng ilegal na droga sa rehiyon ng Bangsamoro.
Iginiit pa niya na patuloy na paiigtingin ang operasyon ng pulisya lalo na’t malapit na ang botohan sa Mayo 9.
Panulat ni Patrolman Charlie Nasroden Corpuz
