Maydolong, Eastern Samar – Arestado ang isang lider ng “Tikano Group” at miyembro nito sa entrapment operation ng PNP at Philippine Army sa kahabaan ng National Highway ng Barangay 4, Maydolong, Eastern Samar, nito lamang Martes, Mayo 3, 2022.
Kinilala ni Police Lieutenant Michael Duane Bato Relano, Chief of Police ng Maydolong Municipal Police Station, ang mga suspek na sina Raymond Globio Elpedez, 36, may asawa, active CAFGU, na sinasabing pinuno ng “Tikano Group” at si Janley De Jesus Soriyao alyas “Tungka”, 33, may asawa, casual worker, miyembro ng “Tikano Group”, na parehong residente ng Brgy B, Borongan City, Eastern Samar.
Ayon kay PLt Relano, naaresto ang mga suspek bandang alas 5:00 ng hapon sa pinagsanib puwersa ng mga operatiba ng Maydolong Municipal Police Station, CIDG ESFU kasama ang 15AIB, AIR, PA, 8MIB 78th IB Philippine Army at mga tauhan ng ESPIU.
Nakumpiska mula sa mga suspek ang isang chamber loaded caliber .45 pistol; isang magazine assembly para sa caliber .45 pistol; dalawang basyo ng bala para sa kalibre .45; isang piraso ng hand grenade; isang pulang cellular phone; marked money na kasama sa boodle money; isang black wallet na naglalaman ng sari-saring identification cards at resibo ng Palawan Pawnshop; isang green belt bag; dalawang helmet; at isang Honda XRM 125 na motorsiklo.
Ang mga naarestong suspek ay mahaharap sa kasong Robbery Extortion, paglabag sa RA 10591, RA 9516, at Omnibus Election Code o COMELEC Res No. 10728.
Patuloy na pinalalakas ng PNP ang pagsisikap laban sa kriminalidad kabilang ang mga krimeng nagdudulot ng pananakot, pagbabanta at pinsala sa mga biktima, komunidad, o maging sa bansa.
###
Panulat ni NUP Loreto B. Concepcion
