Malaybalay City, Bukidnon – Arestado ang Wanted Person sa kasong Robbery with Intimidation ng Malaybalay City PNP nito lamang Martes ng May 3, 2022.
Kinilala ni Police Lieutenant Colonel Ritchie Salva, Officer-in-Charge ng Malaybalay City Police Station, ang naarestong suspek na si Emiliano Palay, 38, magsasaka, residente ng Sitio Sta Cruz, Purok 25, Barangay Casisang, Malaybalay City, Bukidnon.
Ayon kay PLtCol Salva, bandang 9:53 ng gabi naaresto ang suspek sa nasabing lugar ng mga operatiba ng Malaybalay City Police Station na pinangunahan ni Police Captain Christian Serdeña.
Ayon pa kay PLtCol Salva, naaresto ang suspek sa bisa ng Warrant of Arrest sa kasong Robbery with Intimidation na may nirekomendang piyansa na Php 100,000 bawat kaso.
Ang Bukidnon PNP ay patuloy na huhulihin ang sinumang lumabag sa batas at pananatilihin ang kaayusan at kapayapaan sa probinsya ng Bukidnon.
###
Panulat ni Patrolman Edwin Baris/RPCADU 10
