Calasiao, Pangasinan – Arestado ang Top 1 Most Wanted Person (Municipal Level) sa kasong Murder sa operasyon ng Pangasinan PNP nitong Martes, Mayo 3, 2022.
Kinilala ni Police Lieutenant Colonel Ariel Sanchez, Chief of Police ng Calasiao Municipal Police Station, ang suspek na si Marlon Nipal y Lopez, 26, residente ng Barangay Cabilocaan, Calasiao, Pangasinan.
Ayon kay Police Lieutenant Colonel Sanchez, bandang 5:47 ng hapon ng naaresto ang suspek sa nasabing barangay ng pinagsanib na puwersa ng Calasiao Municipal Police Station, Tactical Motorcycle and Riding Unit (TRMU) at Provincial Intelligence Unit (PIU) Pangasinan.
Dagdag pa ni Police Lieutenant Colonel Sanchez, naaresto ang suspek sa bisa ng Warrant of Arrest sa kasong Murder na walang rekomendadong piyansa.
Ang tagumpay ng PNP laban sa mga taong may pananagutan sa batas ay bunga ng pakikipagtulungan at pakikiisa ng mamamayan at ng bawat tauhan ng istasyon.
Source: Calasiao Municipal Police Station
###
Panulat ni PSSg Vanessa Natividad/RPCADU1
