Antipolo City, Rizal – Arestado ang isang suspek sa kasong paglabag sa RA 10591 ng Antipolo City PNP nitong Martes, Mayo 3, 2022.
Kinilala ni Police Lieutenant Colonel June Paolo Abrazado, Acting Chief of Police ng Antipolo City Police Station, ang suspek na si Jan Jan Ronato y Gacillos, 25, construction worker at residente ng Crestview, Sitio Bato-Bato, Barangay San Roque, Antipolo City.
Ayon kay PLtCol Abrazado, bandang 1:55 ng madaling araw nahuli ang suspek sa kahabaan ng Marcos Highway Barangay, Bagong Nayon, Antipolo City, ng mga tauhan ng Antipolo City Police Station.
Ayon pa kay PLtCol Abrazado, nakumpiska sa suspek ang isang improvised na sumpak, tatlong live ammunitions, isang lagareng bakal, isang plier at plate number ng sasakyan.
Nahaharap ang suspek sa kasong RA 10591 o Comprehensive Firearms and Ammunition Regulation Act.
Ang tagumpay ng PNP ay bunga ng suporta at pakikipagtulungan ng mamamayan upang mapanatiling ligtas at maayos ang komunidad.
###
Panulat ni Police Executive Master Sergeant Joe Peter Cabugon
