Bataraza, Palawan – Tinatayang Php365,000 na halaga ng shabu ang nasabat sa isang lalaki sa PNP-PDEA joint buy-bust operation sa Barangay Rio Tuba, Bataraza, Palawan nito lamang Mayo 2, 2022.
Kinilala ni Police Colonel Adonis Guzman, Palawan Police Provincial Office Director ang suspek na si Susano Berano Bolus, 27, tubong Barangay San Jose, Puerto Princesa City.
Ang suspek ay naaresto ng pinagsanib na puwersa ng PDEA Palawan, Bataraza Municipal Police Station, at Provincial Intelligence Unit ng Palawan PPO.
Ayon kay PCol Guzman, si Bolus ay naaresto matapos umanong magbenta ng isang maliit na heat-sealed transparent plastic sachet na naglalaman ng hinihinalang shabu sa isang PDEA agent na poseur-buyer na nagkakahalaga ng Php2,000.
Ayon pa kay PCol Guzman, nakuha rin sa posesyon ng suspek ang isang pirasong knot-tied transparent plastic bag na naglalaman ng hinihinalang shabu at iba pang paraphernalia.
Dagdag pa ni PCol Guzman, ang tinatayang dami ng nasabat na shabu ay 53.78 gramo na nagkakahalaga ng Php365,729.16.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan at kapayapaan ng mamamayan at ng bansa.
Source – Rpio Mimaropa
###
Panulat ni Patrolman Joebet Balana
