Nagsagawa ng Simultaneous Duterte Legacy Caravan ang Police Regional Office 10 sa iba’t ibang probinsya at siyudad sa Rehiyong 10 nito lamang Linggo, Mayo 1, 2022.
Ayon kay Police Brigadier General Benjamin Acorda Jr, Regional Director ng Police Regional Office 10, nasa 4,550 ang naging benepisyaryo nito.
Ang nasabing aktibidad ay naging matagumpay sa tulong ng Bukidnon Police Provincial Office; Camiguin Police Provincial Office; Cagayan de Oro City Police Office; Iligan City Police Office; Lanao del Norte Police Provincial Office, Misamis Oriental Police Provincial Office at Misamis Occidental Police Provincial Office katuwang ang iba’t ibang ahensya ng pamahalaan, Advocacy Support Groups at Force Multipliers.
Naghatid ang iba’t ibang ahensya ng gobyerno ng libreng serbisyo publiko para sa mga benepisyaryo ng Duterte Caravan sa iba’t ibang panig ng Rehiyon 10.
Kanilang dito ang tulong medikal, pamimigay ng food packs, libreng gupit at mobile library para sa mga kabataan.
Ang Police Regional Office 10 ay hindi titigil sa paghahatid ng serbisyo sa ating mamamayan upang mapadama ang pagmamahal ng PNP katuwang ang iba’t ibang ahensya ng gobyerno para sa maunlad at payapang komunidad.
###
Panulat ni Patrolman Edwin Baris/RPCADU 10
