Tayabas City, Quezon – Naaresto ang Top 1 Most Wanted ng Tayabas City para sa kasong rape sa operasyon ng Quezon PNP at Manila Police District nito lamang Lunes, Mayo 2, 2022.
Kinilala ni Police Major Romar Pacis, Acting Chief of Police ng Tayabas City Police Station ang suspek na si Dennis Magdaong Lianita alyas “Erick”, 34, at residente ng 877 Alvarado Street, Brgy. 292, Binondo, Manila.
Ayon kay PMaj Pacis, bandang 2:09 ng madaling araw naaresto ang suspek sa Felipe Street corner Meisic Street Binondo, Manila sa pinagsanib na operasyon ng Tayabas City Police Station; 1st at 3rd Platoon ng 1st Quezon Provincial Mobile Force Company; Police Station 11 Meisic Police Station-Manila Police District at Provincial Intelligence Unit ng Quezon Police Provincial Office.
Ayon pa kay PMaj Pacis, naaresto ang suspek sa bisa ng Warrant of Arrest para sa kasong Rape at walang rekomendasyon na piyansa.
Ang tagumpay na operasyon ng PNP laban sa mga taong may pananagutan sa batas ay bunga ng suporta at pakikipagtulungan ng mamayan upang mapanatiling ligtas at maayos ang komunidad.
###
Panulat ni Police Executive Master Sergeant Joe Peter Cabugon
