City of Ilagan, Isabela – Umabot sa Php3.2M halaga ng mga proyekto at benepisyo ang naipamahagi ng Isabela PNP sa ginanap na Duterte Legacy Caravan sa Community Center, Centro Poblacion, City of Ilagan, Isabela nito lamang Linggo, Mayo 1, 2022.
Pinangunahan ang aktibidad ng Isabela Police Provincial Office sa ilalim ng liderato ni Police Colonel Julio Go at dinaluhan ng mga miyembro ng Philippine Army, Advocacy Support Groups at Force Multipliers, at iba’t ibang ahensya ng pamahalaan.
Aktibong nakibahagi sa programa at nagbigay ng kanilang mga serbisyo ang Philippine Statistics Office, Provincial Training Center-Isabela, Provincial Social Welfare and Development Office, National Intelligence and Coordinating Agency, Department of Public Works and Highways, Isabela Provincial Health Office, Department of Trade and Industry, TESDA, Social Security System-Ilagan, Department of Agrarian Reform, Department of Agriculture, Department of Science and Technology, Department of Interior and Local Government, Bureau of Fisheries and Aquatic Resources at Department of Labor and Employment.
Namahagi naman ng grocery items at foods packs ang Isabela PNP para sa mga benepisyaryo ng nasabing aktibidad.
Maliban dito, nagbigay din ng testimonya ang isang dating kasapi ng teroristang grupo kung saan isiniwalat niya ang mga mapanlinlang na ideolohiyang ginagamit ng CTGs upang makahikayat ng mga sibilyan na sumama sa kanilang samahan.
Sa kabuuan, 742 indibidwal ang napasaya ng Duterte Legacy Caravan kabilang na ang mga miyembro ng Indigenous People, mga dating rebelde, at ilan pang sibilyan.
Sa kabila ng pandemyang kinakaharap ng ating bansa ay patuloy ang pagpupursige ng gobyerno upang makapagbigay ng tulong at makapaghahatid ng serbisyo para sa bawat Pilipino hanggang sa kasuluk-sulukang bahagi ng pamayanan.
Source: Isabela PPO
###
Panulat ni Police Staff Sergeant Mary Joy D Reyes
