Tuguegarao City – Binisita ni Police Lieutenant General Rodolfo Azurin Jr., Police Commander ng Area Police Command-Northern Luzon ang Police Regional Office 2, Camp Marcelo A. Adduru, Tuguegarao City, Cagayan noong Mayo 1, 2022.
Malugod na sinalubong ni Regional Director Police Brigadier General Steve Ludan ng PRO 2 si PLtGen Azurin Jr. sa kanyang pagbisita sa rehiyon dos.
Ang pagbisita ni PltGen Azurin Jr ay kaugnay sa pagdaraos ng Labor Day o Araw ng mga Manggagawa na idinaraos tuwing Mayo Uno sa bansa.
Pinangunahan ni PLtGen Azurin Jr ang Groundbreaking at Laying of Cornerstone for SAF 44 Monument sa loob ng PRO 2 Camp.
Sa mensahe ni PLtGen Azurin Jr, kanyang binigyang diin ang pagpapahalaga sa serbisyo at pag-iwas sa mga ilegal na gawain kagaya ng e-sabong.
Tinalakay din niya ang kahalagahan ng pagkakaroon ng isang matikas na lider at masunuring mga tagasunod para sa ikaaayos ng organisasyon at mabawasan sa hanay ang pagkakaroon ng kaso.
Bukod dito ay tinalakay din ni APC-NL Commander ang paraan upang mapataas ang morale ng mga miyembro ng PNP lalo na sa benepisyong matatanggap kapag magretiro ng 56 taong gulang o tinatawag na compulsory retirement.
Kaugnay naman sa nalalapit na eleksyon ay hinikayat niya ang bawat miyembro ng hanay na bumoto maliban sa paglilingkod sa bayan upang mapanatili ang kapayapaan at kaayusan sa rehiyon.
Source: RPIO 2
###
Panulat ni Police Corporal Carla Mae P Canapi
