City of San Fernando, La Union – Nagsagawa ng Grand and Nationwide Simultaneous Duterte Legacy Caravan ang La Union PNP sa Don Mariano Marcos Memorial State University – Mid La Union Campus, City of San Fernando, La Union nitong ika-1 ng Mayo taong kasalukuyan.
Ang aktibidad ay pinangunahan ni Police Colonel Jonathan Calixto, Provincial Director ng La Union Police Provincial Office kasama ang iba pang ahensya ng gobyerno at mga pribadong sektor.
Ayon kay Police Colonel Calixto, ang mga sektor na dumalo ay nagbigay ng iba’t ibang serbisyo at programa sa mahigit 700 na indibidwal na indigent at 367 na miyembro ng Advocacy Support Groups.
Ayon pa kay Police Colonel Calixto, nagbigay din sila ng tinatayang Php400,000 na halaga ng samu’t saring gift packs sa mga benepisyaryo ng caravan.
Dagdag pa ni Police Colonel Calixto, ang naging pinakatampok sa kaganapang ito ay ang Walk and Ride for Unity for SAFE NLE na ginanap mula sa People’s Park hanggang Don Mariano Marcos Memorial State University – Mid La Union Campus.
Layunin nitong isulong ang kapayapaan, kaligtasan at pagkakaisa ng bawat isa para sa darating na eleksyon sa Mayo 9, 2022.
Source: La Union Police Provincial Office
###
Panulat ni Patrolman Viljon Comilang
