Cebu – Naglunsad ang Cebu Police Provincial Office ng programang Sugbo Ride for Peace for S.A.F.E. NLE 2022 nito lamang Sabado, Abril 30, 2022.
Ang nasabing aktibidad ay pinangunahan ng mga tauhan ng Cebu Police Provincial Office na pinamumunuan ni PCol Engelbert Soriano, Provincial Director.
Ayon kay PCol Soriano, ang naturang aktibidad ay dinaluhan at sinuportahan ng nasa mahigit 200 bike enthusiasts, force multipliers, iba pang motorcycle rider organizations, miyembro ng Commission on Election at iba pang pangunahing ahensya ng pamahalaan.
Ayon pa kay PCol Soriano, hangad ng programa na maisulong at matiyak na ligtas at mapayapa ang darating na Mayo 9 pambansa at lokal na halalan.
Dagdag pa ni PCol Soriano, ang aktibidad na ito ay nagsimula sa Talisay City Hall na kung saan ay nagkaroon ng maikling program, tumawid sa mga munisipalidad sa timog, at nagtapos sa Balamban, Cebu.
Saad ni PCol Soriano, “Walang lugar ang karahasan para sa mga taong mapagmahal sa kapayapaan tulad ng mga Sugbuanon. Nais naming pasalamatan ang mga LGU sa mga rutang tumanggap sa amin at nagbigay ng mga pagkain at inumin at ang mga motorcycle riders at enthusiast na sumuporta sa amin sa adbokasiya na ito, maraming salamat.”
###
