Camp Francisco Asidillo, Borongan City – Nagpadala ang Eastern Samar Police Provincial Office ng karagdagang mga tauhan para sa National and Local Elections 2022 nito lamang Lunes, Mayo 2, 2022.
Isang Ceremonial Send-off ang isinagawa para sa mga PNP personnel na ide-deploy sa field para magbigay ng mga tungkulin sa halalan ngayong darating na National and Local Elections 2022.
Ang nasabing seremonya ay idinaos sa isang Banal na Misa na pinangunahan ni Rev. Msgr. Romeo C Solidon para sa ligtas na deployment ng lahat ng PNP Personnel. Ang misa ay ginanap sa ESPPO Covered Court, Camp Francisco Asidillo, Borongan City na dinaluhan ni Police Colonel Matthe Aseo, Provincial Director ng ESPPO kasama si Police Lieutenant Jonathan R Momo, Deputy Provincial Director for Operation.
Dumalo rin sa misa ang mga Staff Officers, COPs, Force Commanders, at ESPPO-PHQ Personnel. Sinundan ito ng program proper kasama sina Atty Fidel C Amacna, Provincial Election Supervisor ng COMELEC Eastern Samar bilang Guest of Honor at Speaker at PTR Ariel Arthur A Sagaoinit ng Borongan City Evangelical Church para sa Opening Prayer.
Sinabi ni Atty. Amacna sa kanyang talumpati na binigyang diin ang kahalagahan ng PNP sa pagtupad ng kanilang mga tungkulin, sa pagpapanatili ng kapayapaan at kaayusan sa nasabing panahon ng halalan. Mensahe naman ni PCol Aseo sa mga deployable troops, na panatilihin ang kanilang pagbabantay at pagkaalerto sa panahon ng kanilang mga tungkulin sa halalan.
###
