San Fernando, Cebu – Naglunsad ang mga miyembro ng San Fernando Police Station ng Duterte Legacy Caravan: PNP Community Outreach Program sa San Fernando Public Market, South Poblacion, Cebu nito lamang Linggo, ika-1 ng Mayo 2022.
Ang nasabing aktibidad ay pinangunahan ni Police Major Efren Diaz Jr, Chief of Police, katuwang ang mga force multipliers ng nasabing lugar.
Ayon kay PMaj Diaz, sa nasabing programa ay nabigyan ang bawat dumalo ng bigas, groceries at food packs na siya namang pinagpapasalamat ng mga tumanggap.
Maliban sa pamamahagi ng pagkain, namahagi rin ng flyers at nagbigay din ng kaalaman ang mga miyembro ng San Fernando PS sa pamamagitan ng pakiipanayam sa ating mga kababayan patungkol sa anti-terrorism at anti-criminality awareness tips.
Hangad ng PNP na matulungan ang ating mga kababayan na mabigyang kaalaman, tuluyang mamulat sa problema ng ating bansa sa terorismo, at hikayatin ang mga ito na patuloy na makiisa upang lutasin ang mga problemang matagal ng kinakaharap ng ating bansa.
###
