Liloan, Cebu – Nagsagawa ang mga tauhan ng Cebu Provincial Police Office ng The Duterte Legacy Caravan: PNP Community Outreach Program sa near New Liloan Public Market, Jubay, Liloan nito lamang Mayo 1, 2022.
Ang nasabing programa ay pinangunahan ni PCol Engelbert Soriano, Provincial Director, CPPO katuwang ang ilan sa kanyang mga kasamahan na aktibo namang dinaluhan at sinuportahan ng mga tauhan ng Provincial Community Affairs and Development Unit, Liloan Police Station, TESDA, Department of Agriculture, Municipal Health Office at iba pang non-government organizations ng nasabing bayan.
Ayon kay PCol Soriano, ang programa ay maligayang ipinaabot ng libre sa mga dumalo ang mga serbisyong pampubliko gaya na lamang ng tulong medikal, scholarship, job fair, police clearance service, seedlings, wheelchair, at haircut.
Dagdag pa ni PCol Soriano, nasa mahigit isang daang Liloanon ang dumalo sa nasabing programa ay tumanggap din ng food packs.
Lubos naman ang tuwa at pasasalamat ng mga lumahok at sa mga tulong at biyaya na kanilang natanggap.
Layunin ng naturang caravan na mas mapalapit pa sa ating mga kababayan ang lahat ng mga programa ng pamahalaan lalong lalo na sa paghahatid ng mga pangunahing pangangailangan para sa progreso at tunay pagbabago.
###
