Oslob, Cebu – Nagsagawa ang mga miyembro ng Cebu Police Provincial Office (CPPO) ng Groundbreaking ng kauna-unahang Riders’ Nook sa Cuartel Beach, Poblacion, Oslob nito lamang Linggo, Abril 30,2022.
Ang nasabing aktibidad ay pinangunahan ni Police Colonel Engelbert Soriano, Provincial Director ng CPPO at dinaluhan rin ng ilan pang mga opisyales ng pamahalaan ng nasabing bayan.
Ang “Riders’ Nook” ay bahagi ng patuloy na implimentasyon ng Internal Cleanliness Policy at Modernization Program ng PNP.
Layunin nito na mabigyan ang mga rider na dumadaan ng kanilang pahingaan, kasabay na rito ang mapagmasdan ang mga magagandang tanawin na kanilang masusulyapan sa lugar na pagtatayuan ng proyekto.
Ang proyekto ay naging posible dahil sa pagsisikap ng Oslob Municipal Police Station at sa tulong ng butihing Mayor ng Pamahalaang Bayan ng Oslob na si Mayor Jose Tumulak Jr.
Ito’y patunay na walang ibang hangad ang hanay ng PNP kung hindi ang mabigyan ang ating mga kababayan ng ligtas, maayos, at sulit na paglalakbay.
###
