Mabalacat, Pampanga – Matagumpay ang isinagawang Community Outreach Program ng Regional Mobile Force Battalion 3 PNP sa Sitio Calapi, Barangay Haduan, Mabalacat, Pampanga nito lamang Abril 30, 2022.
Ang nasabing programa ay pinangunahan ni Police Lieutenant Colonel Cielo Caligtan, Deputy Force Commander ng RMFB3 kasama ang mga miyembro ng 302nd Maneuver Company, RMFB3 at si Mr. Andrew Wincent Van T Bie.
Higit kumulang isang daan na relief goods at isang daan na pares ng tsinelas ang naipa-abot sa mga katutubong Aeta na residente sa nasabing lugar.
Nagkaroon din ng feeding program para sa mga bata.
Ayon kay PltCol Caligtan, nakipag-ugnayan si Mr. Bie sa RMFB3 bilang sponsor sa nasabing aktibidad at isinabay sa kanyang kaarawan.
Dagdag pa ni PltCol Caligtan, lubos na nagpapasalamat ang mga kapatid nating Aeta sa PNP sa pagbibigay ng tulong sa kanilang tribu.
Layunin ng aktibidad na makapag-abot ng tulong sa mga mamamayan na lubos na nangangailangan lalo na ngayong panahon ng pandemya.
###
Panulat ni PCpl Jeselle V Rivera
