Naaresto ng Police Regional Office 8 (PRO8) ang Rank 1 Regional Most Wanted Person sa kasong limang bilang ng qualified rape of a minor sa isinagawang operasyon sa Evangelista Street, Palompon, Leyte nito lamang hapon ng Miyerkules, August 19, 2026.
Nanguna sa operasyon ang pinagsanib na puwersa ng Calbayog City Police Station (CPS), Palompon Municipal Police Station (MPS), Provincial Intelligence Unit of the Samar Police Provincial Office (SPPO), 1st Samar Provincial Mobile Force Company (1st SPMFC), Regional Intelligence Division – Regional Special Operations Unit 8 (RID-RSOU-8), SPPO Provincial Intelligence and Detective Management Unit (PIDMU), at ang Police Intelligence Team (PIT) Samar.
Kinilala ang suspek na si alyas “Fidel,” 50, may asawa, isang construction worker at residente ng Sto. Niño, Samar. Siya ay inaresto sa bisa ng warrant of arrest dahil sa limang bilang ng qualified rape of a minor, na walang piyansang inirekomenda. Agad naman itong dinala sa kustodiya ng Calbayog CPS para sa iba pang mga dokumentasyon at tamang disposisyon.
Alinsunod sa mantra na “Bagong PNP para sa Bagong Pilipinas: Serbisyong Mabilis, Tapat, at Nararamdaman,” pinuri ng PRO8 sa ilalim ng pamumuno ni PBGen Jason L Capoy, Regional Director, ang mga operatiba na siyang nanguna sa epektibong implementasyon ng nasabing warrant.
Aniya, “This accomplishment demonstrates what focused police intelligence and strong inter-unit coordination can achieve. We will remain relentless in our pursuit of wanted persons, especially those facing serious charges, and ensure that they are brought before the proper authorities to face the consequences of their actions” (Ang tagumpay na ito ay patunay na mahalaga ang mahusay na police intelligence at pagtutulungan ng iba’t ibang yunit ng PNP. Patuloy ang PNP sa pagtugis sa mga wanted person, lalo na sa mga may mabibigat na kaso, upang maiharap sila sa batas at managot sa kanilang mga ginawa).
