San Narciso, Zambales – Nagsagawa ng coastal clean-up drive ang San Narciso PNP sa Purok 3 Barangay Lapaz, San Narciso, Zambales nitong ika-30 ng Abril 2022.
Ang aktibidad ay pinangunahan ni Police Lieutenant Kathryn Joy Miranda, Officer-in-Charge ng San Narciso Municipal Police Station katuwang ang Faith-Based Advocacy Support Group and Force Multipliers, Kabalikat Radio Com Signal Base, Philippine Guardians Brotherhood Inc. (PGBI), Lancaster Homeowners Rider Club (LHRC) at Tau Gamma Philippines.
Naglinis at namulot ng mga basura ang mga grupo sa dalampasigan na kung saan may kabuuang anim na sakong basura ang nakolekta.
Ang ganitong aktibidad ay bahagi ng programa ng Pambansang Pulisya na KALIGKASAN “Kalinisan at Kaligtasan”.
Layunin nitong panatilihin ang kalinisan sa ating kapaligiran upang maging ligtas sa anumang uri ng sakuna tulad ng baha, landslide at mga sakit.
###
Panulat ni Patrolwoman Hazel Rose Bacarisa
