Nueva Valencia, Guimaras – Masigasig na nakiisa ang mga tauhan ng Nueva Valencia Municipal Police Station sa inilunsad na Brigada Eskwela 2022 sa Guiwanon Elementary School sa Barangay Guiwanon, Nueva Valencia, Guimaras nitong araw, Abril 30, 2022.
Ang nasabing aktibidad ay alinsunod sa paghahanda ng lahat ng paaralan at mga mag-aaral sa darating na face-to-face classes.
Pinangunahan ni Police Major Jefrey Ferrer, Hepe ng Nueva Valencia MPS, ang mga kapulisan na masiglang tumulong sa pagpapaganda ng nasabing paaralan katuwang ang mga guro at ang komunidad.
Tinulungan din ng grupo na ayusin ang iilan sa mga nasirang upuan at lamesa ng mga silid-aralan habang tumulong naman sa pamimintura ang iba pa nilang kasamahan.
Katuwang ng komunidad ang PNP ay patuloy na makikiisa at makibahagi sa mga gawaing may kaugnayan sa pagpapanatili ng ligtas at malinis na komunidad lalo na sa mga paaralan na siyang maging pangalawang tahanan ng mga mag-aaral sa darating na face-to-face classes sa buong bansa.
###
