Indanan, Sulu – Arestado ang Top 4 Most Wanted Person sa kasong pagpatay sa isinagawang operasyon ng PNP at AFP nito lamang Biyernes, Abril 29, 2022.
Kinilala ni Police Major Edwin Sapa, Chief of Police, Indanan Municipal Police Station, ang suspek na Alvinner Kiyarra.
Ayon kay PMaj Sapa, ang suspek ay Top 4 Most Wanted Person ng Indanan, Sulu at responsable sa pagpatay kay Police Lieutenant Sali Salim, Commanding Officer, Police Drug Enforcement Unit ng Sulu.
Ayon pa kay PMaj Sapa, sangkot din umano sa Narco-Terrorism at kinilala bilang Abu Sayyaf Group coddler at supporter sa ilalim ng grupo ni Al-Shariff Ajbon a.k.a Ulla/Panda.
Naaresto ang suspek sa Brgy. Tagbak, Indanan, Sulu ng pinagsamang tauhan ng Indanan MPS; 71,72,73,74,75, 84 Special Action Company at Special Action Force-Explosive Ordnance Disposal; Criminal Investigation and Detection Group 9-Sulu Provincial Field Unit; 1st at 2nd Provincial Mobile Force Company-Sulu Police Provincial Office; Provincial Intelligence Unit-Sulu PPO; Military Intelligence Group 26; at 3rd Scout Ranger Battalion, Philippine Army.
Narekober naman mula sa suspek ang isang Cal 45 pistol; isang magazine na may anim na bala; dalawang plastic ng dried marijuana na hindi pa matukoy ang timbang; isang sachet na naglalaman ng white crystalline substance na pinaniniwalaang shabu na tinatayang may timbang na sampung gramo; isang pirasong foil; at cash money na nagkakahalaga ng Php2,800.
Ang PNP ay hindi titigil sa pagsisikap hangga’t hindi nahuhuli ang mga Most Wanted Persons at para mabigyan ng hustisya ang pamilya ng mga biktima.
###
Panulat ni Patrolman Charlie Nasroden Corpuz
