San Jose, Occidental Mindoro – Nahuli ang Top 4 Most Wanted Person ng MIMAROPA na miyembro din ng New People’s Army sa manhunt operation ng PNP noong Biyernes ng gabi, Abril 29, 2022.
Kinilala ni PCol Simeon Gane Jr., Provincial Director ng Occidental Mindoro Police Provincial Office ang suspek na si “Ka Jomar”, 55.
Si “Ka Jomar” ay naaresto sa Barangay San Isidro, San Jose, Occidental Mindoro ng pinagsanib na puwersa ng CIDG 4B, Regional Field Unit MIMAROPA, Regional Special Operations Team at Occidental Mindoro Provincial Field Unit; Provincial Intelligence Unit at San Jose Municipal Police Station ng Occidental Mindoro Police Provincial Office; at 10th Special Action Battalion ng PNP SAF.
Ayon pa kay PCol Gane Jr., si “Ka Jomar” ay dating miyembro ng CTG na nag-operate sa ilalim ng 2nd Squad, Gerilya “BARAKUDA”, Komiteng Distrito Norly Biñan, Mindoro Island Party Committee (MIPC), Southern Luzon Command na sumasaklaw sa mga munisipalidad ng Sablayan, Sta. Cruz, Mamburao, Abra de Ilog, at Paluan ng Occidental Mindoro.
Dagdag pa ni PCol Gane Jr., ang suspek ay nahuli sa bisa ng Arrest Warrant dahil sa mga krimen na dalawang bilang ng Murder na walang inirekomendang piyansa.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan at kapayapaan ng mamamayan at ng bansa.
Source- Rpio Mimaropa
###
Panulat ni Patrolman Joebet Balana
