Jordan, Guimaras – Muling isinagawa ng mga tauhan ng Guimaras Police Provincial Office ang pamamahagi ng food packs at grocery items sa mga mas nangangailangang pamilya sa Sitio Hacienda, Barangay Balcon Maravilla, Jordan, Guimaras nitong araw ng Miyerkules, Abril 27, 2022.
Pinangunahan ni Police Colonel Richard Balauis, Acting Provincial Director, Guimaras PPO, ang pamimigay ng mga gift packs sa Alsosa Family.
Layunin ng nasabing aktibidad na paminsan-minsan mahatiran ng mga pangunahing pangangailangan ang iilan sa mga residente na sa ngayon ay patuloy pa ring naapektuhan sa pandemya at sa mga bagyong humagupit sa iilang bahagi ng probinsya.
Lubos naman ang pasasalamat ng Alsosa family sa tulong na ibinigay ng Guimaras PNP, na kahit nahihiya ngunit bakas ang sorpresa sa kanilang mga mukha at hindi makapaniwala na pupuntahan ng ating mga kapulisan.
Tiniyak naman ng Guimaras PNP na hangga’t may nangangailangan pang kababayan natin sa isla, ay ipagpatuloy pa rin nila ang pagpapa-abot ng tulong sa abot ng kanilang makakaya.
###
