Lipa City, Batangas – Arestado ang Top 2 Most Wanted Person (Provincial Level) sa kasong Frustrated Murder sa manhunt operation ng Lipa City PNP nitong Martes, Abril 26, 2022.
Kinilala ni Police Lieutenant Colonel Ronald Cayago, Chief of Police ng Lipa City Police Station, ang suspek na si Alvin Cator Sarit, 25 at residente ng Brgy. Banay-banay, Lipa City.
Ayon kay PLtCol Cayago, bandang 12:30 ng tanghali naaresto ang suspek sa Brgy. 2A, Mataas na Kahoy, Batangas ng mga operatiba ng Lipa City Police Station sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Ang PNP ay nagpapasalamat sa tulong ng mamamayan sa kanilang impormasyon na naging bunga ng pagkakaaresto ng mga taong may pananagutan sa batas upang mapanatili ang ligtas at maayos na komunidad.
Source: Lipa City Police Station
###
Panulat ni Patrolman Mark Lawrence Atencio/RPCADU 4A
