Bilang bahagi ng pinaigting na paghahanda para sa 2026 State of the Nation Address (SONA), nagsagawa ang General Santos City Police Office (GSCPO) ng accounting ng lahat ng personnel noong Hulyo 25, 2026, kasabay ng pagpapatupad ng Full Alert Status upang matiyak ang kahandaan ng bawat pulis sa pagpapanatili ng kapayapaan at kaayusan.
Pinangunahan ni PCol Ariel B. Acala, Officer-in-Charge ng GSCPO, ang naturang aktibidad na naglalayong beripikahin ang presensya, availability, at operational readiness ng mga tauhan. Layunin nitong matiyak na ang lahat ng personnel ay maayos na naitala, handang maitalaga anumang oras, at nakahandang tumugon sa anumang usapin sa seguridad at kaligtasan ng publiko kaugnay ng nalalapit na SONA.
Binigyang-diin ni PCol Acala ang kahalagahan ng disiplina, kahandaan, at mahigpit na superbisyon sa hanay ng kapulisan, lalo na sa panahon ng Full Alert Status at sa pagdaraos ng mahahalagang pambansang aktibidad tulad ng SONA.
Sa pamamagitan ng accounting, tiniyak ng GSCPO na sapat ang bilang ng mga tauhang maaaring i-deploy upang mapanatili ang kapayapaan at kaayusan, makapagbigay ng agarang responde sa anumang insidente, at matiyak ang kaligtasan ng mamamayan bago, habang, at pagkatapos ng SONA 2026.
Ang hakbang na ito ay bahagi ng layunin ng SAFE AND SECURED GENSAN, na patuloy na pinalalakas ang epektibo at napapanahong serbisyo ng pulisya sa pamamagitan ng kahandaan ng mga tauhan, mahigpit na pamamahala, at operational preparedness.
Sa kabila ng pagdaraos ng SONA sa Metro Manila, nananatiling nakaalerto ang GSCPO upang matiyak na ligtas, mapayapa, at maayos ang sitwasyon sa General Santos City bilang pakikiisa sa pambansang layunin na mapanatili ang kapayapaan at kaayusan sa buong bansa.
