Koronadal City, South Cotabato – Tinatayang Php340,000 halaga ng shabu ang nasabat sa isang suspek sa buy-bust operation ng PNP nito lamang Martes, Abril 26, 2022.
Kinilala ni PLtCol Joedy Lito Guisinga, Chief of Police ng Koronadal City Police Station, ang suspek na si Joseph Policarpio Alyas “Nonoy”, 51, single, residente ng Purok Hillside, Brgy. Sta. Cruz, Koronadal City, South Cotabato, at kilalang High Value Target.
Ayon kay PLtCol Guisinga, bandang alas 6:35 ng gabi naaresto si Nonoy sa pangunguna ng Philippine Drug Enforcement Agency 12 at sa pinagsanib puwersa ng Koronadal City Police Station; Police Drug Enforcement Unit; at PDEA12 South Cotabato Provincial Office.
Ayon pa kay PLtCol Guisinga, narekober sa suspek ang may kabuuang timbang na 50 gramo ng shabu na may tinatayang halaga na Php340,000, isang Nokia black keypad cellular phone at Php1,000 bill bilang buy-bust money na may serial number na B965114.
Ang suspek ay nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Tinitiyak naman ng PNP na paiigtingin pa ang mga kampanya laban sa ilegal na droga at iba pang uri ng kriminalidad.
###
Panulat ni Patrolman Khnerwin Jay A Medelin
