Baybay City, Leyte – Matagumpay na naisagawa ang Duterte Legacy Caravan ng Police Regional Office 8 na ginanap sa Baybay City Convention Center, Baybay City Leyte nito lamang Martes, Abril 26, 2022.
Ang nasabing programa ay pinangunahan ni Police Brigadier General Bernard Banac, Regional Director ng PRO 8 na may temang “Pagkakaisa ng Mamamayan at Pamahalaan tungo sa Pagbangon, Kapayapaan at Kaunlaran”.
Ang Duterte Legacy Caravan ay nilahukan ng Baybay City Local Government Unit, 8 Infantry Division, Philippine Army, Bureau of Fire Protection 8 (BFP), Office of the Civil Defense (OCD) Department of Interior and Local Government Unit (DILG), Department of Agriculture (DA), Department of Trade and Industry (DTI), Department of Health (DOH), Philippine Statistics Authority (PSA), National Housing Authority (NHA), Department of Environment and National Resources (DENR), Environmental Management Bureau (EMB) ), Mines and Geosciences Bureau (MGB), Department of Labor and Employment (DOLE), Philippine Drug Enforcement Agency (PDEA), Philippine Information Agency (PIA), Technical Education and Skills Development Authority (TESDA), Cooperative Development Authority (CDA) National Intelligence Coordinating Agency (NICA), Highway Patrol Group (HPG), Aviation Security Unit (AVSEU).
Naroon din sa aktibidad sina Ka Soyang, isang dating Rebelde; Rev. Fr. Samuel Papa, Kura Paroko ng Baybay City; Pastor Gamaliel Aliposa, Coordinator ng Bless our Cops 8; Imam Dianalosin Omping; at Imam Baybay Mosque.
Ang nasabing aktibidad ay para sa mga biktima ng landslide sa Baybay City at Abuyog, Leyte noong pananalasa ng Tropical Storm Agaton.
May kabuuang 1,359 na benepisyaryo ang nakinabang sa serbisyo ng mga ahensya ng gobyerno. Mayroong 656 indibidwal mula sa Baybay City ang nakinabang sa aktibidad, 399 indibidwal mula sa Abuyog, Leyte, 100 bata, at 204 Advocacy Groups.
Sa panahon ng aktibidad, isang tindahan ang itinatag kung saan ang mga lokal na magsasaka ay nagbebenta ng kanilang mga produkto.
Pinuri ni Police Colonel Salvador Alacyang, Deputy Regional Director for Operations ng PRO 8 ang lahat ng kalahok na ahensya at ang komunidad para sa matagumpay na kaganapan ng aktibidad.
“Ngayon, marami tayong nakikitang nagdadalamhating mukha at nalulungkot tayo na wala tayong kakayahan na alisin ang mga masasakit na damdaming iyon sa isang iglap ng isang daliri o isang kisap mata. Hindi natin maipapangako ang anumang bagay na magpapagaan sa iyong sikolohikal at emotional loss. The only thing that we can assure you is that in every step of your way towards recovery, naririto po ang inyong Kapulisan at ang buong gobyerno na nakaalalay sa inyo para mabilis natin itong malampasan,” mensahe ni PCol Alacyang sa mga biktima ng landslide sa Baybay City.
###
Panulat ni Patrolwoman Rialyn B Valdez
