Legaspi City, Albay– Nagsagawa ang PNP ng Duterte Legacy Caravan sa Camp BGen Simeon A Ola sa Legaspi City nitong Lunes, Abril 25, 2022.
Ang nasabing programa ay pinangunahan ni PBGen David Peredo, Jr, Deputy Regional Director for Administration ng Police Regional Office 5 at malugod na sinuportahan ni PLtGen Rhodel Sermonia, Deputy Chief PNP for Administration.
Dumalo rin sa naturang programa si PBGen Eric Noble, Director, Police Community Affairs and Development Group; USec Jonathan E Malaya, Undersecretary for Plans, Public Affairs and Communication, DILG; katuwang ang iba’t ibang ahensiya ng pamahalaan maging ang mga Advocacy Support Group at Force Multipliers ng rehiyong Bikol.
Kasama sa mga aktibong ahensyang nakilahok ang Department of Interior and Local Government; Technical Education and Skills Development Authority; Department of Trade and Industry; Department of Labor and Employment; Department of Social Welfare and Development; Department of Environment and Natural Resources; Department of Public Works and Highways; Philippine Information Agency; Department of Agrarian Reform; Department of Agriculture; Bureau of Fisheries and Aquatic Resources; Department of Health; National Intelligence Coordinating Agency; Philippine Statistics Authority; Land Transportation Office; Philippine Army; Bureau of Jail Management and Penology; Bureau of Fire Protection; Coast Guard; Philippine Air Force; Philippine Navy.
Ibinida rin sa nasabing programa ng ilan sa mga nagsalita ang matagumpay na mga nagawa at mga epektibong pamamaraan ng kasalukuyang administrasyon upang labanan at tugunan ang problema sa ilegal na droga at insurhensiya sa ating bansa.
Samantala, sa nasabing programa ay nagkaroon din ng libreng konsultasyon, assistance at serbisyo mula sa iba’t ibang ahensiya ng pamahalaan.
Ang caravan ang may layuning pagbukludin at mas palakasin ang ugnayan at pagkakaisa ng pamahalaan at publiko tungo sa pagkamit nang isang mas progresibo at tahimik na komunidad para sa lahat.
###
Panulat ni Patrolman Rodel Grecia
