President Quirino, Sultan Kudarat – Inabutan ng tulong ang isang lalaking may kapansanan ng President Quirino PNP sa Sultan Kudarat nito lamang Lunes, Abril 25, 2022.
Kinilala ni Police Major Samuel Domingo, Chief of Police ng President Quirino Municipal Police Station ang lalaking may kapansanan na si “Makoy” na tinamaan ng sakit na Polio at hindi na nakakalakad mula edad lima hanggang taong kasalukuyan.
Si Makoy ay nakatanggap ng Grocery Items na maaaring makatulong sa kanya sa pang araw-araw na pangangailangan.
Pinuri naman ni PCol Tom Tuzon, Provincial Director ng Sultan Kudarat Police Provincial Office ang President Quirino PNP dahil sa ipinakitang pagmamalasakit sa kapwa lalo na sa mga may kapansanan at hikahos sa buhay.
Ang PNP ay patuloy sa paghahatid ng magagandang serbisyo at pagmamalasakit sa kapwa lalo na sa mga kapus palad nating kababayan.
###
Panulat ni Patrolman Khnerwin Jay A Medelin
