Zamboanga City – Arestado ang isang indibidwal sa ikinasang operasyon ng Zamboanga PNP para sa kasong Acts of Lasciviousness at Trespassing nito lamang Abril 24, 2022.
Kinilala ni PMaj Salvador Galvez, Chief of Police ng Zamboanga City Police Station 6, ang naarestong suspek na si Ferdilar Quijano y Isidro, 23, binata at residente ng Brgy. Tetuan Highway, Zamboanga City.
Ayon kay PMaj Galvez, bandang 7:40 ng umaga pumasok ang suspek sa bahay at silid ng biktima na si Deannia Odette Peralta y Bravo, 18 at residente ng Don Marquez Subdivision, Tetuan Highway, Zamboanga City.
Kuwento ng biktima na habang natutulog siya ay hinawakan ang kanyang dibdib at pribadong bahagi ng kanyang katawan ng suspek na si Quijano na agad tumakas ngunit nakilala niya ito sa mukha.
Ayon pa kay PMaj Galvez, agad na inaresto si Quijano ng mga tauhan ng Zamboanga City Police Station 8, dahil sa sumbong at personal na pagkakakilanlan sa suspek na nahaharap sa kasong Acts of Lasciviousness at Trespassing.
Ang Pambansang Pulisya ay patuloy na sisiguraduhin na mabigyan ng proteksyon ang ating mga kababaihan sa ating lipunan.
###
Panulat ni Patrolman Monching De Leon
