Bacoor City, Cavite – Arestado ang isang Wanted Person sa kasong Carnapping sa manhunt operation ng Cavite Highway Patrol Unit, nito lamang Martes, Abril 26, 2022.
Kinilala ni Police Major Dante Aquino, Provincial Officer ng Cavite Provincial Highway Patrol Team ang suspek na si Jessie Arante Morales, 35, residente ng No. 155 Looban St. Brgy. Aniban, Bacoor City, Cavite.
Ayon kay Police Major Aquino, bandang 1:30 ng hapon naaresto ang suspek sa nasabing barangay ng Cavite Provincial Highway Patrol Team at Bacoor City Police Station.
Ayon pa kay Police Major Aquino, naaresto ang suspek sa bisa ng Warrant of Arrest sa kasong Carnapping o paglabag sa RA 10883 (New Anti-Carnapping Act of 2016) na may rekomendadong piyansa na Php300,000.
Ang tagumpay ng PNP sa mga taong may pananagutan sa batas ay bunga ng pakikipagtulungan at pakikiisa ng mamamayan upang mapanatiling ligtas at maayos ang komunidad.
###
Police Executive Master Sergeant Elvis C Arellano
