Camp Crame, Quezon City – Idinaos ng PSPG o Police Security and Protection Group sa maikling programa ang kanilang ika-31 anibersaryo na may temang “PSPG @31: Patuloy na paglilingkod nang dekalidad na Seguridad at Proteksyong Ganap tungo sa Ligtas at Mapayapang Halalan para sa Bayan” sa PNP Multi-Purpose Center, Camp Crame, Quezon City kaninang alas-10:00 ng umaga, April 26, 2022.
Ang programa ay ipinagdiwang upang bigyang parangal at pagkilala sa mga taong nasa likod ng tagumpay ng Grupo na kinabibilangan ng PSPG Advisory Group, stakeholders, at mga Commissioned and Non-commissioned Officers at Non-uniformed personnel ng Grupo.
Dumalo sa naturang programa si Police Lieutenant General Vicente Danao Jr., The Chief of Directorial Staff, bilang Guest of Honor and Speaker na siyang representative ni PNP Chief Police General Dionardo Carlos.
Tampok sa anibersaryo ang Operational Accomplishment ng PSPG kung saan nakapagtala sila sa buong taon ng 1,913 protective security coverage kabilang ang pagbibigay seguridad sa mga rally, Metro Manila at Provincial engagements ni President Roa Rodrigo Duterte, security assistance sa mga Head of States, Foreign Dignitaries at iba pang mga VIPs.
Samantala, sa Administrative Accomplishment naman, nakapagtala sila ng pinakamataas na bilang na 2,483 sa Medalya ng Paglilingkod sa Luzon.
At kamakailan lang nang April 20-22, 2022, nakapagbigay din sila ng kanilang serbisyo sa World Travel and Tourism Council sa ginanap na “Global Summit Philippines.”
Bukod rito, ipinakita rin sa Audio-visual Presentation ang pitong bagong opisina ng PSPG sa rehiyon.
Pinuri naman ni PLtGen Danao Jr, ang dedikasyon ng Team PSPG sa pangunguna ng kanilang Director na si Police Brigadier General Juel Neil Salcedo.
“Let me extend my commendations to the national leadership, to our outstanding PSPG personnel whom we just honored today for their exemplary achievements in the Group’s successful attainment of both administrative and operational functions. And to all valiant men and women of PSPG, my Congratulations,” ani PLtGen Danao.
###
Panulat ni PCpl Jhoanna Marie Najera-Delos Santos
