Bacoor, Cavite – Tinatayang Php136 milyong halaga ng shabu ang nakumpiska sa tatlong suspek sa buy-bust operation ng PNP nito lamang Lunes, Abril 25, 2022.
Kinilala ni Police Colonel Arnold Abad, Provincial Director ng Cavite Police Provincial Office ang mga suspek na si Isaac Gabriel Ambulo y Paydon, 29, residente ng Quiapo, Manila; Roman Hosias Ambulo y Paydon, 25, residente ng Quiapo, Manila; at Abdurrahim Ambulo y Disomimba, 41 at residente ng San Fernando, Pampanga.
Ayon kay PCol Abad, bandang 6:15 ng gabi naaresto ang tatlong suspek sa Molino Blvd, Mambog IV, Bacoor, Cavite City ng Special Operations Unit -National Capital Region; PNP Drug Enforcement Group; Special Operations Unit 4A; Station Drug Enforcement Unit; Bacoor City Police Station, at Provincial Drug Enforcement Unit; Cavite Police Provincial Office; Regional Intelligence Division; Regional Drug Enforcement Unit; Regional Special Operations Group PRO 4A; Criminal Investigation and Detection Group-Regional Field Unit PRO 4A; Regional Intelligence Unit 4A; Philippine Drug Enforcement Agency NCR at Philippine Drug Enforcement Agency 4A.
Ayon pa kay PCol Abad, nakuha sa tatlong suspek ang tinatayang dalawampung kilo ng white crystalline substance na hinihinalang shabu na nagkakahalaga ng Php136,000,000; dalawang piraso ng minarkahang genuine Php1,000 na ginamit bilang buy-bust money; isang silver Honda Civic na may plate number ZDJ 368; sari-saring Identification Card at mga dokumento; at dalawang unit na cellular phone.
Ang tatlong suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Ang Cavite PNP sa pamumuno ni Police Colonel Abad ay patuloy sa kampanya laban sa ilegal na droga at iba pang krimen upang mapanatili ang maayos at ligtas na komunidad.
Source: CAVITE PIO
###
Panulat ni Mark Lawrence Atencio
