Puerto Princesa – Sumuko ang isang dating miyembro ng Communist Terrorist Group (CTG) sa City Mobile Force Company sa Barangay Luzviminda, Puerto Princesa City noong Biyernes, Abril 22, 2022.
Kinilala ni PCol Roberto Bucad, Acting City Director ng Puerto Princesa City Police Office ang sumuko na si “Ka Javier”, 22, dating miyembro ng Operation Northern Palawan, sa ilalim ng Bienvinido Valliber Command.
Ayon kay PCol Bucad, na-recruit si “Ka Javier” noong siya ay nasa pagmimina pa ng ginto noong 2019 sa pamamagitan ng panlilinlang at manipulasyon ng mga makakabilang grupo sa kanilang lugar.
Dagdag pa ni PCol Bucad, na ang dating CTG member ay nasa kustodiya na ngayon ng City Mobile Force Company (CMFC) para sa debriefing bago siya ma-enroll sa Enhanced Comprehensive Local Integration Program (E-CLIP).
Source: Puerto Princesa City Police Office
###
Panulat ni Patrolman Joebet Balana
