Antipolo City, Rizal – Arestado ang Top 8 Wanted Person ng Regional Highway Patrol Unit 4A-Rizal sa kasong Carnapping sa Manhunt Operation nitong Lunes, Abril 25, 2022.
Kinilala ni Police Captain Manuel Abalos Jr., Provincial Officer ng Rizal Highway Patrol Group, ang suspek na si Michael De Chavez, 40, may asawa, tricycle driver, at nakatira sa No. 4 Fajardo St. MBLA Brgy. Malanday, Marikina City.
Ayon kay PCpt Abalos, bandang 8:30 ng umaga naaresto ang suspek sa Sumulong Highway, Antipolo City ng mga tauhan ng Highway Patrol Group-Rizal sa bisa ng Warrant of Arrest sa kasong Carnapping o RA 10883 (New Anti-Carnapping Act of 2016) na may nirekomendang piyansa na Php180,000.
Ang tagumpay ng PNP sa mga taong may pananagutan sa batas ay bunga ng pakikipagtulungan at pakikiisa ng mamamayan upang mapanatiling ligtas at maayos ang komunidad.
###
Panulat ni Police Executive Master Sergeant Elvis C Arellano
