Calapan City, Oriental Mindoro – Nahuli ang isang High Value Individual sa buy-bust operation ng Oriental Mindoro PNP sa Brgy. Ipil, Bongabong, Oriental Mindoro noong Biyernes, Abril 22, 2022.
Kinilala ni Police Brigadier General Sidney Sultan Hernia, Regional Director ng Police Regional Office MIMAROPA ang suspek na si Carlo Lacena Marciano, alias “Caloy”, 37, residente ng Brgy. Sta. Maria Pinamalayan, Oriental Mindoro.
Ayon kay PBGen Hernia, nahuli si Marciano sa nasabing barangay, matapos umanong magbenta ng isang heat-sealed transparent plastic sachet na naglalaman ng shabu kapalit ng Php500 sa isang police poseur-buyer sa isinagawang operation ng mga tauhan ng Bongabong Municipal Police Station Drug Enforcement Team.
Ayon pa kay PBGen Hernia, nakuha pa sa suspek ang pitong karagdagang piraso ng maliliit na heat-sealed transparent plastic sachet na naglalaman ng shabu, Php500 buy-bust money, at iba pang paraphernalia.
Kasabay nito, inihahanda na ang reklamong paglabag sa Comprehensive Dangerous Drugs Act of 2002 (RA 9165) laban sa suspek.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Source: RPIO MIMAROPA
###
Panulat ni Patrolman Erwin Calaus
