Cainta Rizal – Arestado ang Top 7 Most Wanted Person (Regional Level) na may patong patong na kaso sa kinasang operasyon ng Cainta PNP nitong Biyernes, Abril 22, 2022.
Kinilala ni Police Lieutenant Colonel Orlando Carag Jr., Acting Chief of Police ng Cainta Municipal Police Station ang suspek na si Adonis Baribo Bunag, 32 at residente ng 57 G. Ricarte St. Brgy. San Juan, Cainta, Rizal.
Ayon kay PLtCol Carag, bandang 10:30 ng umaga naaresto ang suspek sa nasabing barangay ng mga operatiba ng Cainta Municipal Police Station.
Ayon pa kay PLtCol Carag, naaresto ang suspek sa bisa ng Warrant of Arrest sa kasong Lascivious Conduct under RA 7610 na may nirekomendang piyansa na Php180.000; Sexual Assault (2 counts) na may nirekomendang piyansa na Php200,000; at Rape na walang nirekomendang piyansa.
Ang PNP ay nagpapasalamat sa tulong ng mamamayan sa kanilang impormasyon na naging bunga ng pagkakaaresto ng mga taong may pananagutan sa batas upang mapanatili ang ligtas at maayos na komunidad.
Source: Cainta Municipal Police StationÂ
###
Panulat ni Police Executive Master Sergeant Elvis C Arellano
