Angeles City, Pampanga – Arestado ang isang Wanted Person sa kasong Carnapping sa Manhunt Operation ng Pampanga PNP noong Huwebes, Abril 22, 2022.
Kinilala ni Police Major Joseph Martin, Team Leader, Pampanga Provincial Highway Patrol Team, ang suspek na si Jason Castro y Villena, 33, construction worker, residente ng Purok 2, Brgy. Anonas, Angeles City, Pampanga.
Ayon kay Police Major Martin, nahuli ang suspek sa Purok 3, Brgy. Pampang, Angeles City ng pinagsanib na puwersa ng Pampanga Provincial Highway Patrol Team at Station 2, Angeles City Police Office.
Ayon pa kay Police Major Martin, naaresto ang suspek sa bisa ng Warrant of Arrest para sa kasong paglabag sa RA10883 o The Anti-Carnapping Act of 2016 na walang nirekomendang piyansa.
Ang Pampanga PNP ay patuloy sa kampanya laban sa kriminalidad para mahuli ang mga wanted person para sa maayos at tahimik na lugar.
###
Panulat ni Police Corporal Maria Elena S Delos Santos
