San Carlos City, Negros Occidental – Nagsagawa ang Negros Occidental PNP ng underwater clean-up activity na tinaguriang “Scubasurero”sa Sipaway Island, San Carlos City nito lamang Huwebes, noong Abril 21, 2022.
Layunin ng nasabing aktibidad na patuloy na protektahan ang kalikasan at mapanatili ang yaman at kalinisan ng karagatan alinsunod sa isa sa mga Best Practices ng PNP at sa Core Values nitong “Makakalikasan”.
Pinangunahan naman ng mga tauhan ng San Carlos City Police Station sa pamumuno ni Police Lieutenant Colonel Jesus Mesahon, Jr, Officer-in-Charge, kasama ang mga tauhan ng PNP Maritime Group na pinangunahan naman ni Police Major Wilmar Bolivar, ang nasabing clean-up drive na ginanap sa Dapdap Wharf, San Juan, sa isla ng Sipaway ng naturang lungsod.
Katuwang din sa nasabing aktibidad ang Coast Guard Station Bacolod personnel, PNP San Carlos City Dive Team, Bantay Dagat Divers, LGU San Carlos City, PCG Divers, Cadiz Divers Team, QPTIMUM Dive shop staff, Civilian volunteer at ibang Advisory Support Groups.
Lubos namang nagpasalamat ang grupo na tinaguriang “Scubasurero” sa mga nakiisa at tumulong sa paglilinis sa nasabing isla.
###
